Bwyd a Chi 2, Cylch 8: Pennod 2 – Pryderon am fwyd

Cyflwyniad

Gwaith yr ASB, fel y nodir yn y gyfraith, yw diogelu iechyd y cyhoedd a diogelu buddiannau defnyddwyr mewn perthynas â bwyd. Mae’r ASB yn defnyddio arolwg Bwyd a Chi 2 i fonitro pryderon defnyddwyr am faterion bwyd, fel diogelwch bwyd, maeth, a materion amgylcheddol. Mae’r bennod hon yn rhoi trosolwg o bryderon yr ymatebwyr am fwyd.

Pryderon cyffredin

Gofynnwyd i’r ymatebwyr ddweud a oedd ganddyn nhw unrhyw bryderon am y bwyd maen nhw’n ei fwyta. Nid oedd gan y rhan fwyaf o’r ymatebwyr (79%) unrhyw bryderon am y bwyd maen nhw’n ei fwyta, a dim ond 21% o’r ymatebwyr a ddywedodd fod ganddyn nhw bryder. ^{(footnote 1)}

Ffigur 2. Y pryderon mwyaf cyffredin am fwyd a fynegwyd heb anogaeth

Newid i weld tabl a fersiwn hygyrch

Newid i weld siart

Math o bryder	Canran yr ymatebwyr
Y gadwyn cyflenwi bwyd	6
Dilysrwydd bwyd	6
Halogi bwyd	10
Labelu bwyd	11
Tarddiad bwyd	12
Materion amgylcheddol a moesegol	12
Maeth ac iechyd	22
Ansawdd bwyd	29
Dulliau cynhyrchu bwyd	30
Diogelwch a hylendid bwyd	33

Lawrlwytho’r siart hon

Delwedd .csv

Ffynhonnell: Bwyd a Chi 2: Cylch 8

Gofynnwyd i’r ymatebwyr a ddywedodd fod ganddyn nhw bryderon esbonio’n gryno eu pryderon am y bwyd maen nhw’n ei fwyta. Roedd y pryderon mwyaf cyffredin yn ymwneud â diogelwch a hylendid bwyd (33%), dulliau cynhyrchu bwyd (30%), ansawdd bwyd (29%), a maeth ac iechyd (22%) (Ffigur 2). ^{(footnote 2)}

Ffigur 3. Y pryderon mwyaf cyffredin am fwyd a fynegwyd gydag anogaeth

Newid i weld tabl a fersiwn hygyrch

Newid i weld siart

Math o bryder	Canran yr ymatebwyr
Hylendid bwyd wrth archebu bwyd tecawê	47
Hylendid bwyd wrth fwyta allan	47
Faint o halen sydd mewn bwyd	47
Faint o fraster sydd mewn bwyd	48
Gallu bwyta’n iachus	50
Lles anifeiliaid	51
Gwenwyn bwyd	54
Faint o ddeunydd pecynnu a ddefnyddir	55
Faint o siwgr sydd mewn bwyd	58
Gwastraff bwyd	63
Ansawdd bwyd	65
Prisiau bwyd	69

Lawrlwytho’r siart hon

Delwedd .csv

Ffynhonnell: Bwyd a Chi 2: Cylch 8

Gofynnwyd i’r ymatebwyr ddweud a oedd ganddyn nhw bryderon am nifer o faterion sy’n gysylltiedig â bwyd, gan ddewis o blith rhestr o ddewisiadau. Y pryder mwyaf cyffredin oedd prisiau bwyd (69%). Roedd pryderon cyffredin eraill yn cynnwys ansawdd bwyd (65%), gwastraff bwyd (63%), a faint o siwgr sydd mewn bwyd (58%) (Ffigur 3). ^{(footnote 3)}

Ffigur 4. Lefel y pryder am bynciau sy’n ymwneud â bwyd

Newid i weld tabl a fersiwn hygyrch

Newid i weld siart

Pwnc yn ymwneud â bwyd	Ddim yn bryderus o gwbl	Ddim yn bryderus iawn	Ychydig yn bryderus	Yn bryderus iawn
Argaeledd amrywiaeth eang o fwyd	12	36	35	13
Bod bwyd a gynhyrchir yn y DU yn cyd-fynd â’r hyn sydd ar y label	12	37	32	15
Diogelwch a hylendid bwyd a gynhyrchir yn y DU	10	34	33	19
Bod bwyd o’r tu allan i’r DU yn cyd-fynd â’r hyn sydd ar y label	5	21	44	26
Bod bwyd yn cael ei gynhyrchu mewn modd cynaliadwy	5	20	45	27
Bwyd a addaswyd yn enetig (GM)	10	21	34	28
Diogelwch a hylendid bwyd o’r tu allan i’r DU	3	18	45	30
Cynhwysion ac ychwanegion mewn bwyd	4	18	44	31
Lles anifeiliaid yn y broses cynhyrchu bwyd	5	16	41	34
Fforddiadwyedd bwyd	2	9	38	49

Lawrlwytho’r siart hon

Delwedd .csv

Ffynhonnell: Bwyd a Chi 2: Cylch 8

Gofynnwyd i’r ymatebwyr nodi i ba raddau roedden nhw’n pryderu am nifer o faterion penodol sy’n ymwneud â bwyd. Roedd yr ymatebwyr yn fwyaf tebygol o nodi lefel uchel o bryder am fforddiadwyedd bwyd (49%). Roedd materion eraill yr oedd yr ymatebwyr yn bryderus iawn yn eu cylch yn cynnwys lles anifeiliaid yn y broses cynhyrchu bwyd (34%), a chynhwysion ac ychwanegion mewn bwyd (31%) (Ffigur 4). ^{(footnote 4)}

Roedd lefel y pryder am fforddiadwyedd bwyd a nodwyd yn amrywio rhwng gwahanol gategorïau o bobl yn y ffyrdd canlynol:

• Grŵp oedran: roedd yr ymatebwyr rhwng 16 a 54 oed yn fwy tebygol o ddweud eu bod yn bryderus iawn am fforddiadwyedd bwyd o gymharu â’r rheiny oedd yn 55 oed neu’n hŷn (er enghraifft, 55% o’r rheiny rhwng 25 a 34 oed o gymharu â 34% o’r rheiny oedd yn 75 oed neu’n hŷn). 
• Incwm blynyddol y cartref: Roedd yr ymatebwyr ag incwm is yn fwy tebygol o ddweud eu bod yn bryderus iawn am fforddiadwyedd bwyd o gymharu â’r ymatebwyr ag incwm uwch, (er enghraifft, 56% o’r rheiny ag incwm o lai nag £19,000 o gymharu â 36% o’r rheiny ag incwm dros £96,000).
• Rhanbarth (Lloegr) ^{(footnote 5)}: roedd lefelau’r pryder ynghylch fforddiadwyedd bwyd yn amrywio fesul rhanbarth yn Lloegr. Er enghraifft, roedd yr ymatebwyr a oedd yn byw yng Ngogledd-ddwyrain Lloegr (64%) yn fwy tebygol o nodi eu bod yn bryderus iawn am fforddiadwyedd bwyd o gymharu â’r rheiny a oedd yn byw yn y rhan fwyaf o ranbarthau eraill Lloegr, gan gynnwys Dwyrain Canolbarth Lloegr (45%), Llundain (47%), De-orllewin Lloegr (42%) a De-ddwyrain Lloegr (46%).
• Diogeledd bwyd: roedd yr ymatebwyr â diogeledd bwyd isel iawn (74%) yn fwy tebygol o nodi eu bod yn bryderus iawn am fforddiadwyedd bwyd na’r rheiny â diogeledd bwyd isel (61%) neu ymylol (58%). Y rheiny â diogeledd bwyd uchel oedd lleiaf tebygol o nodi eu bod yn bryderus iawn am fforddiadwyedd bwyd (40%). 
• Grŵp ethnig: Roedd yr ymatebwyr Asiaidd neu Asiaidd Prydeinig (59%) yn fwy tebygol o nodi eu bod yn bryderus iawn am fforddiadwyedd bwyd o gymharu â’r ymatebwyr gwyn (48%).  ^{(footnote 6)}