Adnoddau addysgol i bobl ifanc yng Nghymru
Penodol i Gymru
Mae gennym amrywiaeth o adnoddau i ysgolion, hyfforddwyr sgiliau, darparwyr dysgu, colegau a phrifysgolion sydd â’r nod o wella sgiliau pobl ifanc ar bwysigrwydd hylendid a diogelwch bwyd.
Cwrs e-ddysgu ar ddiogelwch a hylendid bwyd
Rydym yn darparu cwrs e-ddysgu am ddim i sefydliadau addysg yng Nghymru sydd am gynnig hyfforddiant ‘Lefel 2 Diogelwch a Hylendid Bwyd (Arlwyo)’ i unrhyw un 14 oed a hŷn.
Bwriad y cymhwyster hwn, sydd wedi’i achredu gan City and Guilds, yw cefnogi eich dysgwyr i ddatblygu sgiliau cegin pwysig a bod yn barod i ymgymryd â gyrfa yn y diwydiant bwyd a diod.
Mae dysgwyr yn cael tystysgrif ddigidol y gellir ei lawrlwytho ar ôl cwblhau’r hyfforddiant ar-lein yn llwyddiannus. Mae’r cwrs yn cymryd tua thair awr i’w gwblhau. Mae’r cwrs yn hyblyg, a gall yr unigolyn weithio drwy’r deunydd yn ei amser ei hun. Mae’n canolbwyntio ar bynciau sy’n ymwneud â bwyd, gan gynnwys:
- pwysigrwydd diogelwch a hylendid bwyd
- effaith salwch sy’n cael ei gludo gan fwyd
- deall cyfraith bwyd
- deall alergenau
- peryglon diogelwch bwyd a halogiad bwyd
- cadw bwyd
- storio a rheoli tymheredd
- hylendid personol
- safle ac offer hylan
Cysylltu â ni
Os hoffech gofrestru eich diddordeb mewn unrhyw un o’r adnoddau uchod, neu os oes gennych unrhyw gwestiynau pellach, cysylltwch â ni drwy anfon e-bost i walesadminteam@food.gov.uk.