Cylch 5: Pennod 2 Pryderon am fwyd

Cyflwyniad

Gwaith yr ASB, a nodir mewn cyfraith, yw diogelu iechyd y cyhoedd a buddiannau defnyddwyr mewn perthynas â bwyd. Mae’r ASB yn defnyddio arolwg Bwyd a Chi 2 i fonitro pryderon defnyddwyr am faterion bwyd, fel diogelwch bwyd, maeth, a materion amgylcheddol. Mae’r bennod hon yn rhoi trosolwg o bryderon ymatebwyr am fwyd.    

Pryderon cyffredin

Gofynnwyd i’r ymatebwyr ddweud a oedd ganddyn nhw unrhyw bryderon am y bwyd maen nhw’n ei fwyta. Nid oedd gan y mwyafrif o’r ymatebwyr (80%) unrhyw bryderon am y bwyd maen nhw’n ei fwyta, a dim ond 20% o’r ymatebwyr a ddywedodd fod ganddyn nhw bryder ^{(footnote 1)}. 

Ffigur 2. Y pryderon mwyaf cyffredin am fwyd a fynegwyd yn ddigymell

Newid i weld tabl a fersiwn hygyrch

Newid i weld siart

Math o bryder	Canran yr ymatebwyr
Gofynion deietegol (nad ydynt yn ymwneud � gorsensitifrwydd i fwyd)	6
Labelu bwyd	8
Halogi bwyd	11
Tarddiad bwyd	14
Amgylcheddol a moesegol	17
Ansawdd bwyd	20
Maeth ac iechyd	21
Diogelwch bwyd a hylendid bwyd	24
Dulliau cynhyrchu bwyd	25

Lawrlwytho’r siart hon

Delwedd .csv

Ffynhonnell: Bwyd a Chi 2 Cylch 5

Gofynnwyd i’r ymatebwyr a ddywedodd fod ganddynt bryder esbonio’n gryno eu pryderon am y bwyd maent yn ei fwyta. Roedd y pryder mwyaf cyffredin yn ymwneud â dulliau cynhyrchu bwyd (25%), a oedd yn cynnwys defnyddio ychwanegion (fel cyffeithyddion a lliwiau bwyd) mewn cynhyrchion bwyd (11%), defnyddio plaladdwyr a neu/wrtaith i dyfu bwyd (10%), a sut mae bwyd wedi cael ei gynhyrchu neu ei brosesu (5%). Roedd yr ail bryder mwyaf cyffredin yn ymwneud â diogelwch a hylendid bwyd (24%), a oedd yn cynnwys bwyd yn cael ei goginio / paratoi’n iawn (10%) a diogelwch bwyd (5%) (Ffigur 2) ^{(footnote 2)}. 

Ffigur 3. Y deg pryder mwyaf cyffredin mewn perthynas â bwyd

Newid i weld tabl a fersiwn hygyrch

Newid i weld siart

Math o bryder	Canran yr ymatebwyr
Gwenwyn bwyd	43
Hormonau, steroidau,
gwrthfiotigau mewn bwyd "	46
Faint o halen sydd mewn bwyd	49
Faint o fraster sydd mewn bwyd	50
Hylendid bwyd wrth fwyta allan	50
Hyendid bwyd wrth archebu bwyd tecaw�	51
Lles anifeiliaid	54
Faint o siwgr sydd mewn bwyd	59
Gwastraff bwyd	60
Prisiau bwyd	66

Lawrlwytho’r siart hon

Delwedd .csv

Ffynhonnell: Bwyd a Chi 2 Cylch 5

Gofynnwyd i’r ymatebwyr ddweud a oedd ganddynt bryderon am nifer o faterion sy’n gysylltiedig â bwyd, gan ddewis o blith rhestr o ddewisiadau. Roedd y pryderon mwyaf cyffredin yn ymwneud â phrisiau bwyd (66%), gwastraff bwyd (60%), faint o siwgr sydd mewn bwyd (59%) a lles anifeiliaid (54%). Roedd tua hanner yr ymatebwyr yn pryderu am hylendid bwyd wrth archebu o siopau tecawê (51%), hylendid bwyd wrth fwyta allan (50%), faint o fraster sydd mewn bwyd (50%) a faint o halen sydd mewn bwyd (49%) (Ffigur 3)

Ffigur 4. Lefel y pryder am bynciau sy’n ymwneud â bwyd

Newid i weld tabl a fersiwn hygyrch

Newid i weld siart

Pwnc	Ddim yn bryderus o gwbl	Ddim yn bryderus iawn	Eithaf pryderus	Pryderus iawn
Bod amrywiaeth eang o fwyd ar gael	9	36	39	12
Bod bwyd sy'n cael ei werthu yn y DU yn cyd-fynd �'r hyn sydd ar y label	10	37	34	15
Bod bwyd a gynhyrchir yn y DU yn ddiogel ac yn hylan	8	34	34	20
Bwyd a addaswyd yn enetig (GM)	11	24	34	24
Cynrrychion ac ychwanegion mewn bwyd	4	19	49	24
Bod bwyd yn cael ei gynhyrchu mewn modd cynaliadwy	4	15	49	27
Bod bwyd o'r tu allan i'r DU yn cyd-fynd �'r hyn sydd ar y label	4	22	43	27
Bod bwyd o'r tu allan i'r DU yn ddiogel ac yn hylan	3	19	44	31
Lles anifeilaid yn y broses cynhyrchu bwyd	4	15	43	33
Fforddiadwyedd bwyd	2	9	39	48

Lawrlwytho’r siart hon

Delwedd .csv

FFynhonnell: Bwyd a Chi 2 Cylch 5

Gofynnwyd i’r ymatebwyr nodi i ba raddau roeddent yn pryderu am nifer o faterion penodol sy’n ymwneud â bwyd. Roedd ymatebwyr yn fwyaf tebygol o nodi lefel uchel o bryder am fforddiadwyedd bwyd (48%), lles anifeiliaid yn y broses cynhyrchu bwyd (33%) a diogelwch a hylendid bwyd o’r tu allan i’r DU (31%), (Ffigur 4) ^{(footnote 3)}. 

Roedd lefel y pryder am fforddiadwyedd bwyd a nodwyd yn amrywio rhwng gwahanol gategorïau o bobl yn y ffyrdd canlynol:

• Maint cartrefi: roedd cartrefi â 5 neu fwy o bobl (57%) yn fwy tebygol o nodi eu bod yn bryderus iawn am fforddiadwyedd bwyd o gymharu â chartrefi llai (er enghraifft, 43% o gartrefi 1 person).
• Incwm blynyddol y cartref: roedd yr ymatebwyr ag incwm is yn fwy tebygol o nodi eu bod yn bryderus iawn am fforddiadwyedd bwyd o gymharu â chartrefi ag incwm uwch. Er enghraifft, nododd 54% o’r rheiny ag incwm o dan £19,000 eu bod yn bryderus iawn am fforddiadwyedd bwyd o gymharu â 37% o’r rheiny ag incwm o fwy na £96,000.
• Rhanbarth (Lloegr) ^{(footnote 4)}: roedd lefelau pryder ynghylch fforddiadwyedd bwyd yn amrywio fesul rhanbarth yn Lloegr. Er enghraifft, roedd ymatebwyr a oedd yn byw yng Ngogledd-ddwyrain Lloegr (59%) a Dwyrain Canolbarth Lloegr (54%) yn fwy tebygol o nodi eu bod yn bryderus iawn am fforddiadwyedd bwyd o gymharu â’r rheiny a oedd yn byw yng Ngorllewin Canolbarth Lloegr (43%) a Dwyrain Lloegr (43%).
• Diogeledd bwyd: roedd yr ymatebwyr â diogeledd bwyd isel iawn (77%) yn fwy tebygol o nodi eu bod yn bryderus iawn am fforddiadwyedd bwyd na’r rheiny â diogeledd bwyd isel (66%) neu ymylol (64%). Y rheiny â diogeledd bwyd uchel oedd lleiaf tebygol o nodi eu bod yn bryderus iawn am fforddiadwyedd bwyd (39%). 
• Grŵp ethnig: Roedd yr ymatebwyr Asiaidd neu Asiaidd Prydeinig (57%) yn fwy tebygol o nodi lefelau uchel iawn o bryder am fforddiadwyedd bwyd na’r ymatebwyr gwyn (47%).