Bwyd a Chi 2 Cylch 6: Pennod 2 Pryderon am fwyd

Cyflwyniad

Gwaith yr ASB, a nodir mewn cyfraith, yw diogelu iechyd y cyhoedd a diogelu buddiannau defnyddwyr mewn perthynas â bwyd. Mae’r ASB yn defnyddio arolwg Bwyd a Chi 2 i fonitro pryderon defnyddwyr am faterion bwyd, fel diogelwch bwyd, maeth, a materion amgylcheddol. Mae’r bennod hon yn rhoi trosolwg o bryderon ymatebwyr am fwyd. 

Pryderon cyffredin

Gofynnwyd i’r ymatebwyr ddweud a oedd ganddyn nhw unrhyw bryderon am y bwyd maen nhw’n ei fwyta. Nid oedd gan y mwyafrif o’r ymatebwyr (82%) unrhyw bryderon am y bwyd maen nhw’n ei fwyta, a dim ond 18% o’r ymatebwyr a ddywedodd fod ganddyn nhw bryder ^{(footnote 1)}.  

Ffigur 3. Y pryderon mwyaf cyffredin am fwyd a fynegwyd yn ddigymel

Newid i weld tabl a fersiwn hygyrch

Newid i weld siart

Math o bryder	Canran yr ymatebwyr
Gofynion deietegol (heb fod yn gysylltiedig â gorsensitifrwydd i fwyd)	8
Labelu bwyd	10
Tarddiad bwyd	10
Materion amgylcheddol a moesegol	10
Halogi bwyd	12
Maeth ac iechyd	19
Dulliau cynhyrchu bwyd	21
Ansawdd bwyd	23
Hylendid a diogelwch bwyd	32

Lawrlwytho’r siart hon

Delwedd .csv

Ffynhonnell: Bwyd a Chi 2: Cylch 6

Gofynnwyd i’r ymatebwyr a ddywedodd fod ganddynt bryder esbonio’n gryno eu pryderon am y bwyd maent yn ei fwyta. Roedd y pryderon mwyaf cyffredin yn ymwneud â diogelwch a hylendid bwyd (32%), ansawdd bwyd (23%), dulliau cynhyrchu bwyd (21%), a maeth ac iechyd (19%) (Ffigur 3) ^{(footnote 2)}.

Ffigur 4. Y pryderon mwyaf cyffredin mewn perthynas â bwyd

Newid i weld tabl a fersiwn hygyrch

Newid i weld siart

Math o bryder	Canran yr ymatebwyr
Gallu bwyta'n iachus	46
Hylendid bwyd wrth fwyta allan	46
Faint o halen sydd mewn bwyd	47
Lles anifeiliaid	50
Gwenwyn bwyd	51
Faint o siwgr sydd mewn bwyd	55
Faint o ddeunydd pecynnu a ddefnyddir	56
Ansawdd bwyd	61
Gwastraff bwyd	62
Prisiau bwyd	65

Lawrlwytho’r siart hon

Delwedd .csv

Ffynhonnell: Bwyd a Chi 2: Cylch 6

Gofynnwyd i’r ymatebwyr ddweud a oedd ganddynt bryderon am nifer o faterion sy’n gysylltiedig â bwyd, gan ddewis o blith rhestr o ddewisiadau. Y pryder mwyaf cyffredin oedd prisiau bwyd (65%). Pryderon cyffredin eraill oedd gwastraff bwyd (62%), ansawdd y bwyd (61%), a faint o ddeunydd pecynnu a ddefnyddir (56%) (Ffigur 4) ^{(footnote 3)}.

Ffigur 5. Lefel y pryder am bynciau sy’n ymwneud â bwyd

Newid i weld tabl a fersiwn hygyrch

Newid i weld siart

Pwnc yn ymwneud â bwyd	Ddim yn bryderus o gwbl	Ddim yn bryderus iawn	Ychydig yn bryderus	Pryderus iawn
Argaeledd amrywiaeth eang o fwyd	10	35	37	14
Bod bwyd sy’n cael ei gynhyrchu yn y DU yn cyd-fynd â’r hyn sydd ar y label	13	38	31	15
Bod bwyd sy’n cael ei gynhyrchu yn y DU yn ddiogel ac yn hylan	9	37	31	18
Bod bwyd sy’n cael ei gynhyrchu y tu allan i’r DU yn cyd-fynd â’r hyn sydd ar y label	5	22	44	24
Cynhwysion ac ychwanegion mewn bwyd	5	20	44	27
Bod bwyd yn cael ei gynhyrchu yn gynaliadwy	5	21	43	27
Bwyd wedi'i addasu yn enetig (bwyd GM)	9	22	34	27
Bod bwyd sy’n cael ei gynhyrchu y tu allan i’r DU yn ddiogel ac yn hylan	4	20	45	28
Lles anifeiliaid yn y broses cynhyrchu bwyd	4	17	42	32
Pa mor fforddiadwy yw bwyd	2	8	36	51

Lawrlwytho’r siart hon

Delwedd .csv

Ffynhonnell: Bwyd a Chi 2: Cylch 6

Gofynnwyd i’r ymatebwyr nodi i ba raddau roeddent yn pryderu am nifer o faterion penodol sy’n ymwneud â bwyd. Roedd ymatebwyr yn fwyaf tebygol o nodi lefel uchel o bryder am fforddiadwyedd bwyd (51%). Roedd materion eraill yr oedd ymatebwyr yn bryderus iawn yn eu cylch yn cynnwys lles anifeiliaid yn y broses cynhyrchu bwyd (32%) a bod bwyd sy’n cael ei gynhyrchu y tu allan i’r DU yn ddiogel ac yn hylan (28%) (Ffigur 5) ^{(footnote 4)}. 

Roedd lefel y pryder am fforddiadwyedd bwyd a nodwyd yn amrywio rhwng gwahanol gategorïau o bobl yn y ffyrdd canlynol

• grŵp oedran: roedd ymatebwyr rhwng 16 a 64 oed yn fwy tebygol o ddweud eu bod yn bryderus iawn am fforddiadwyedd bwyd o gymharu â’r rheiny 65 oed neu hŷn (er enghraifft, 55% o’r rheiny rhwng 25 a 34 oed o gymharu â 37% o’r rheiny 80 oed neu hŷn). 
• plant dan 6 oed yn y cartref: dywedodd 64% o’r ymatebwyr â phlant o dan 6 oed eu bod yn bryderus iawn am fforddiadwyedd bwyd o gymharu â 50% o’r rheiny heb blant yr oedran hwnnw yn y cartref.
• incwm blynyddol y cartref: roedd yr ymatebwyr ag incwm is yn fwy tebygol o ddweud eu bod yn bryderus iawn am fforddiadwyedd bwyd o gymharu â’r ymatebwyr ag incwm uwch, (er enghraifft, 59% o’r rheiny ag incwm o lai na £19,000 o gymharu â 49% o’r rheiny ag incwm rhwng £64,000 a £95,999).
• rhanbarth (Lloegr) ^{(footnote 5)}: roedd lefelau pryder ynghylch fforddiadwyedd bwyd yn amrywio fesul rhanbarth yn Lloegr. Er enghraifft, roedd yr ymatebwyr a oedd yn byw yng Ngogledd-ddwyrain Lloegr (65%) a Dwyrain Canolbarth Lloegr (59%) yn fwy tebygol o nodi eu bod yn bryderus iawn am fforddiadwyedd bwyd o gymharu â’r rheiny a oedd yn byw yn Llundain (45%).
• diogeledd bwyd: roedd yr ymatebwyr â diogeledd bwyd isel iawn (75%) yn fwy tebygol o nodi eu bod yn bryderus iawn am fforddiadwyedd bwyd na’r rheiny â diogeledd bwyd isel (65%) neu ymylol (56%). Y rheiny â diogeledd bwyd uchel oedd lleiaf tebygol o nodi eu bod yn bryderus iawn am fforddiadwyedd bwyd (44%).