Newyddion
Cyfarfod â thema Pwyllgor Cynghori ar Fwyd Cymru – 16 Gorffennaf 2024
Penodol i Gymru
Mae Pwyllgor Cynghori ar Fwyd Cymru yr Asiantaeth Safonau Bwyd (ASB) yn cynnal ei gyfarfod agored nesaf dros Microsoft Teams, ddydd Mawrth 16 Gorffennaf 2024. Thema’r cyfarfod hwn fydd digwyddiadau a gwydnwch.
Mae’r agenda’n cynnwys
- Trosolwg o ddigwyddiadau yng Nghymru
- Trosolwg o’r Uned Genedlaethol Troseddau Bwyd
- Cyflwyniad ar Wyliadwriaeth Strategol
Mae’r agenda lawn i’w gweld ar dudalen Pwyllgor Cynghori ar Fwyd Cymru ar ein gwefan.
Mae croeso i unrhyw un sydd â diddordeb yn y pynciau hyn, neu yng ngwaith yr ASB yn gyffredinol, ddod i’r cyfarfod i fynegi barn ac i gymryd rhan mewn sesiwn holi ac ateb agored.
Gallwch ymuno ar-lein a chyflwyno cwestiynau i’r Pwyllgor ymlaen llaw trwy ddilyn y cyfarwyddiadau isod.
Lleoliad
Bydd y cyfarfod yn cael ei gynnal ar-lein dros MS Teams.
Cadw eich lle a chyflwyno cwestiynau
Anfonwch e-bost i walesadminteam@food.gov.uk er mwyn gwylio’r cyfarfod ar-lein, cyflwyno cwestiwn neu gael mwy o wybodaeth.