Rheolaethau Swyddogol a Gynhelir gan yr Asiantaeth Safonau Bwyd (FSADOC)

Diweddariad mis Hydref 2024

Yr ASB yn dyfarnu contractau ar gyfer cynnal rheolaethau swyddogol ar gig 

Mae ymarfer caffael yr Asiantaeth Safonau Bwyd (ASB) i gynnal rheolaethau swyddogol ar gyfer cig ledled Cymru a Lloegr o fis Ebrill 2025 wedi’i gwblhau. 

Bydd Eville and Jones yn cynnal rheolaethau swyddogol yn Lotiau 1 i 3, 5 i 7 a 9, tra bydd Hallmark Meat Hygiene yn arwain consortiwm a fydd yn cynnal rheolaethau swyddogol yn Lot 4 a Lot 8.

Bydd cyfnod segur o ddeg diwrnod cyn i’r ASB ymrwymo i unrhyw gontract gyda’r tendrwyr llwyddiannus, a hynny yn unol â gofynion Rheoliadau Contractau Cyhoeddus 2015. 

Disgwylir i’r contractau newydd ddechrau ar 31 Mawrth 2025 am gyfnod o 5 mlynedd, a blaenoriaeth yr ASB yw sicrhau bod ein lefelau uchel o wasanaeth yn cael eu cynnal yn ystod y cyfnod pontio sydd i ddod. 

Diweddariad mis Ebrill 2024

Rydym wedi cyhoeddi’r ail-dendr ar gyfer y contractau ar gyfer cynnal rheolaethau swyddogol mewn sefydliadau cymeradwy yng Nghymru a Lloegr.

Gellir cael at y tendr ar System eFasnachol Sengl Teulu Iechyd.

Mae’r amserlen amcangyfrifedig fel a ganlyn:

• 10 Ebrill 2024 – Gwahoddiad i Dendro yn cael ei gyhoeddi gan yr ASB
• 10 Ebrill 2024 – Cyfnod egluro’r Gwahoddiad i Dendro yn cychwyn
• 8 Mai 2024 am hanner dydd – Cyfnod egluro’r Gwahoddiad i Dendro yn dod i ben
• 11 Mehefin 2024 am hanner dydd – Y dyddiad cau ar gyfer cyflwyno ymatebion i’r Gwahoddiad i Dendro
• 12 Mehefin 2024 i 23 Awst 2024 – Cyfnod Gwerthuso. Mae hyn yn cynnwys yr ymatebion Cymhwysol, Technegol, Gwerthoedd Cymdeithasol a Masnachol
• 24 Awst 2024 i 23 Hydref 2024 – Proses Cymeradwyo Dyfarniadau Contract
• 23 Hydref 2024 – Y Tendrwyr yn cael gwybod am ganlyniad yr arfarniad a’r Tendrwr (neu’r Tendrwyr) ffafriedig yn cael eu henwi
• 24 Hydref 2024 i 4 Tachwedd 2024 – Cyfnod Segur
• 5 Tachwedd 2024 – Contract (neu Gontractau) yn cael eu dyfarnu a’u llofnodi
• 31 Mawrth 2025 – Cyfarfod cychwyn contract yn cael ei gynnal a’r contract yn dechrau

Gall gwahanol ffactorau, gan gynnwys y cyfnod cyn etholiad, effeithio ar yr amserlen. Pan fydd yr ASB yn gwneud unrhyw newidiadau, bydd yn hysbysu Tendrwyr drwy’r porth e-gyrchu.

Dylid anfon unrhyw ymholiadau sy’n ymwneud â chyflwyno cynnig drwy’r cyfleuster negeseua yn Atamis. Rhaid anfon unrhyw ymholiadau eraill i FSA.commercial@food.gov.uk.

Gweler y PDF canlynol ar gyfer allbynnau y penderfynwyd arnynt yn sgil y sesiynau adborth â rhanddeiliaid.

PDF

Gweld Stakeholder Feedback Decided Outputs as PDF(Open in a new window) (226.84 KB)

Diweddariad mis Ionawr 2024

I gael yr holl wybodaeth am y broses aildendro, gweler y dogfennau isod. Mae’r dogfennau hyn wedi’u rhannu â rhanddeiliaid allweddol mewn digwyddiadau ymgysylltu, a cheir crynodeb o’r adborth a ddarparwyd ganddynt.

Bydd y dudalen hon yn cael ei diweddaru’n barhaus wrth i ni symud ymlaen gyda’r broses aildendro. Edrychwch yma i gael yr wybodaeth ddiweddaraf.

PDF

Gweld Delivery Model Assessment Paper as PDF(Open in a new window) (170.46 KB)

PDF

Gweld Response Envelopes and Proposed Evaluation Criteria as PDF(Open in a new window) (125.8 KB)

PDF

Gweld Contracting Options Analysis as PDF(Open in a new window) (316.89 KB)

PDF

Gweld Lotting Options further information as PDF(Open in a new window) (226.93 KB)

PDF

Gweld Performance Management Framework as PDF(Open in a new window) (201.43 KB)

PDF

Gweld Stakeholder Feedback as PDF(Open in a new window) (139.04 KB)

Os oes angen rhagor o wybodaeth arnoch, anfonwch e-bost i FSA.Retender@food.gov.uk

Diweddariad mis Medi 2023

Bydd y contractau presennol ar gyfer darparu Milfeddygon Swyddogol a Chynorthwywyr Swyddogol (y cyfeirir atynt hefyd fel Arolygwyr Hylendid Cig) i ddilysu cydymffurfiaeth â deddfwriaeth drwy arolygu a darparu nodau iechyd mewn sefydliadau cig wedi’u cymeradwyo gan yr ASB yng Nghymru a Lloegr, yn dod i ben ar 30 Mawrth 2025.

Dyma’r gwasanaethau sydd eu hangen ar hyn o bryd:

• Milfeddygon Swyddogol ac Arolygwyr Hylendid Cig cymwys i gynnal rheolaethau swyddogol yn unol â chyfraith y CE a’r DU mewn sefydliadau cig a gymeradwywyd gan yr ASB (lladd-dai, ffatrïoedd torri a sefydliadau trin anifeiliaid hela cymeradwy)
• ceir manylion am gyflenwi gwasanaethau ar ran yr ASB yn ogystal ag adrannau eraill o’r llywodraeth yn y Llawlyfr Rheolaethau Swyddogol
• gwaith arolygu ac archwilio cynhyrchion sy’n dod o anifeiliaid (POAO) y bwriedir iddynt gael eu hallforio, a darparu tystysgrifau iechyd allforio
• Bydd angen rhywfaint o hyblygrwydd yng nghontractau’r dyfodol, a gallai hyn gynnwys cyflwyno cynlluniau peilot, nwyddau eraill, ac arloesi wrth gyflenwi.

Mae’r contractau presennol wedi’u rhannu’n ddaearyddol ar draws y tri rhanbarth a ganlyn, gyda dau gontract ym mhob rhanbarth:

• Cymru a Gorllewin Lloegr
• Dwyrain Lloegr
• Gogledd Lloegr
• Mae’r lotiau Tendr terfynol i’w cadarnhau

Bydd y Gwahoddiad i Dendro yn nodi uchafswm y contractau y gellir eu dyfarnu i dendrwr unigol.

Dyma wahodd pawb sydd â diddordeb mewn tendro a rhanddeiliaid allweddol, gan gynnwys y rhai a allai ddarparu’r gwasanaeth fel rhan o gonsortiwm neu is-gontractwr, i ddiwrnodau ymgysylltu â rhanddeiliaid lle bydd cyfle i drafod a rhoi mewnbwn ar ofynion y dyfodol.

Cynhelir y diwrnodau ymgysylltu â rhanddeiliaid yng Nghaerefrog, ddydd Mercher 15 Tachwedd ac yn Llundain, ddydd Mercher 22 Tachwedd. Bydd manylion pellach yn cael eu hanfon at yr holl bartïon sydd â buddiant maes o law. Gofynnir i chi gofrestru eich diddordeb mewn mynychu gan ddefnyddio porth Atamis erbyn hanner dydd, ddydd Mercher 18 Hydref 2023, gan nodi pa ddyddiad a lleoliad fyddai orau gennych.