Dr Ruth Hussey CB, OBE, DL - Dirprwy Gadeirydd Bwrdd yr ASB

Bu i Ruth ymddeol fel Prif Swyddog Meddygol Cymru yn 2016.

Yn yr amser hwnnw, cefnogodd bolisi ar:

• iechyd y cyhoedd
• ansawdd a diogelwch
• gofal sylfaenol 
• ymchwil a datblygiad 
• strategaeth iechyd gyda ffocws ar ofal iechyd darbodus

Cafodd ei geni a'i magu yng Ngogledd Cymru, a datblygodd ei gyrfa yn Lloegr. Bu'n hyfforddi fel meddyg teulu yn wreiddiol. Gweithiodd yn y byd academaidd, fel Cyfarwyddwr Iechyd y Cyhoedd yn Lerpwl i ddechrau ac yna mewn swyddi strategol yng ngogledd orllewin Lloegr ar gyfer y Gwasanaeth Iechyd Gwladol a'r Adran Iechyd. Cyn ymuno â Llywodraeth Cymru, roedd yn rhan o Dîm Pontio Iechyd y Cyhoedd yn yr Adran Iechyd, Whitehall.

Bu Ruth yn cadeirio Adolygiad Seneddol o Iechyd a Gofal Cymdeithasol yng Nghymru, ac roedd hi'n Gomisiynydd ar Gomisiwn Lancet/LSE ar 'Ddyfodol y GIG’. 

Mae hi wedi bod yn Ddirprwy Gadeirydd yr ASB ers 1 Gorffennaf 2020 a chafodd ei phenodi fel y Cadeirydd Dros Dro o 1 Chwefror i 30 Mehefin 2021.

Mae hi hefyd yn Gadeirydd ar gyfer Bwrdd Cynghori Ysgol Ymchwil Iechyd y Cyhoedd, y Sefydliad Cenedlaethol dros Ymchwil Iechyd. Mae Ruth yn Gymrawd Cyfadran Iechyd y Cyhoedd ac yn Gymrawd anrhydeddus Coleg Brenhinol y Meddygon. Mae hi'n Athro Anrhydeddus ym Mhrifysgol Lerpwl ac mae hi wedi cael gwobrau gan Brifysgolion eraill yng Nghymru a Lloegr. Daeth yn Llywodraethwr y Sefydliad Iechyd ym mis Chwefror 2018 ac mae'n aelod o Grŵp Cynghori Canolfan Polisi Cyhoeddus Cymru. Ruth yw Cadeirydd Bwrdd Cynghori Arolygiaeth Gofal Cymru ac mae hi'n Ddirprwy Lefftenant Glannau Mersi.

Mae ei diddordeb o ran mynd i'r afael ag anghydraddoldebau iechyd a chynnwys cymunedau yn eu hiechyd a'u lles wedi bod yn sail i'w gwaith.

Buddiannau Personol

• Rôl broffesiynol ym maes Iechyd y Cyhoedd – Mae Ruth ar gofrestr y Cyngor Meddygol Cyffredinol 
• Mae ei modryb a'i chefndryd yn ffermio yn y gogledd

Ymgyngoriaethau a/neu gyflogaeth uniongyrchol

• Darlithio a gwasanaethau cynghori proffesiynol - gweithgareddau ad hoc

Rolau heb dâl: 

• Cadeirydd Bwrdd Cynghori, Sefydliad Cenedlaethol dros Ymchwil Iechyd (NIHR), Ysgol Ymchwil Iechyd y Cyhoedd
• Aelod o Grŵp Cynghori, Canolfan Cymru ar gyfer Polisi Cyhoeddus
• Aelod o Grŵp Cynghori Rhaglenni, Canolfan y Deyrnas Unedig ar gyfer tystiolaeth ymchwil mewn Gofal Cymdeithasol (ESRC a'r Sefydliad Iechyd)
• Aelod, Grŵp Cynghori Gwyddonol, ARC NENC, Newcastle
• Cadeirydd, Grŵp Llywio Astudiaeth Ymchwil NIHR – Cyfrifo am angen sydd heb ei ddiwallu o ran dyrannu adnoddau yn deg
• Cadeirydd, Bwrdd Cynghori Annibynnol PHIRST Caerdydd a Bryste
• Aelod, Grŵp Cynghori Gwerth mewn Iechyd, GIG Cymru 
• Aelod, Rhwydwaith Ymchwil Diogelwch Bwyd y DU, Bwrdd Cynghori Allanol ers Ebrill 2022
• Aelod, Comisiwn Annibynnol ar Bwerau Argyfwng Iechyd Cyhoeddus y DU.

Gwaith am ffi:

• Dim ar hyn o bryd - Wedi ymgymryd â gwaith a oedd yn ymwneud â COVID-19 ar gyfer MHCLG yn 2020 a phrosiect yng Ngogledd Iwerddon.

Cyfranddaliadau

• Ymddiriedolaethau Uned yn unig

Clybiau a sefydliadau eraill

• Sefydliad Coleg Lerpwl – Aelod
• Cymdeithas y Cerddwyr (Ramblers Cymru) - Aelod
• RHS – Aelod
• Ymddiriedolaeth Genedlaethol – Aelod
• Cymdeithas Rhandir Harthill
• Cydweithredu anffurfiol â gweithwyr proffesiynol iechyd y cyhoedd (rhwydwaith Harnessing Health)
• Aelod o Gymdeithas Feddygol Prydain (BMA)
• Aelod o The Athenaeum

Buddiannau personol eraill

• Dim

Buddiannau nad ydynt yn rhai personol

Cymrodoriaethau

• Swyddi academaidd anrhydeddus mewn nifer o brifysgolion (Metropolitan Manceinion, John Moore Lerpwl, Lerpwl, Abertawe a Bangor)
• Cymrawd Coleg Brenhinol y Meddygon, a Chyfadran Iechyd y Cyhoedd
• Aelod Anrhydeddus o'r Orsedd, Cymru (Gwisg lâs am wasanaeth i'r genedl)

Cymorth anuniogyrchol

• Dim

Ymddiriedolaethau

• Llywodraethwr, Y Sefydliad Iechyd
• Ymddiriedolwr, The Reader Organisation

Tir ac eiddo

• Mae ei modryb a'i chefndryd yn ffermio yn y gogledd 
• Yn berchen ar ei chartref ei hun yn Lerpwl

Penodiadau cyhoeddus eraill

• Dirprwy Lefftenant Glannau Mersi

•  

  Uchel Siryf Glannau Mersi 23-24

Buddiannau eraill nad ydynt yn rhai personol

• Dim