Anthony Harbinson – Aelod Bwrdd yr ASB ar gyfer Gogledd Iwerddon, Cadeirydd Pwyllgor Cynghori ar Fwyd Gogledd Iwerddon a Chadeirydd y Pwyllgor Archwilio a Sicrwydd Risg (ARAC)

Gwnaeth Anthony Harbinson ymddeol o Wasanaeth Sifil Gogledd Iwerddon fel Ysgrifennydd Parhaol Adran Amaethyddiaeth, yr Amgylchedd a Materion Gwledig ym mis Gorffennaf 2022, wedi 37 mlynedd o wasanaethu cyhoeddus. Ac yntau’n Gyfrifydd Ardystiedig Siartredig o ran cymhwyster, dechreuodd ei yrfa yng Ngwasanaeth Trydan Gogledd Iwerddon, cyn symud i Wasanaethau Iechyd a Gofal Cymdeithasol Personol Gogledd Iwerddon am 15 mlynedd, lle ymgymerodd ag ystod o Swyddi Cyfarwyddwr, gan gwmpasu meysydd fel Cyllid, Cynllunio, AD, TGCh, Ystadau a Chontractio mewn ystod o gyrff iechyd, gan gynnwys y Gwasanaeth Ambiwlans, Gofal Sylfaenol, ac Ymddiriedolaethau Ysbytai Acíwt.

Yn 2001 ymunodd â’r Gwasanaeth Sifil gan dreulio’r pum mlynedd nesaf fel Uwch Gyfarwyddwr Cynorthwyol Erlyniadau Cyhoeddus, gan ddylunio a gweithredu’r Gwasanaeth Erlyn Cyhoeddus newydd ar gyfer Gogledd Iwerddon cyn symud i Swyddfa Gogledd Iwerddon lle treuliodd dair blynedd fel Cyfarwyddwr Adnoddau.  Yn 2010 ymunodd ag Adran Gyfiawnder Gogledd Iwerddon, a oedd newydd ei ffurfio, lle gwasanaethodd i ddechrau fel Cyfarwyddwr Cyflawni Cyfiawnder, ac yna fel Cyfarwyddwr Cymunedau Diogelwch, ac yn olaf fel Cyfarwyddwr Mynediad at Gyfiawnder a Phrif Weithredwr Gwasanaeth Llysoedd a Thribiwnlysoedd Gogledd Iwerddon.

Ef hefyd yw cyn-Lywydd Byd-eang Cymdeithas y Cyfrifwyr Ardystiedig Siartredig (ACCA), corff cyfrifyddu byd-eang mwyaf y byd; bu hefyd yn Gadeirydd Pwyllgor Ymgynghorol y Cyrff Cyfrifyddu (CCAB), sef grwpiau ymbarél o gyrff proffesiynol siartredig ar gyfer cyfrifwyr ardystiedig siartredig ym Mhrydain.

Diddordebau personol

• Cerdded
• Coginio
• Gwaith Elusennol

Ymgyngoriaethau a/neu gyflogaeth uniongyrchol

• Dim

Gwaith am ffi

• Dim

Gwaith heb ffi

• Dim

Cyfranddaliadau

• Dim.

Clybiau a sefydliadau eraill

• Trysorydd ac Aelod o Urdd Farchogol Beddrod Sanctaidd Caersalem, Rhaglawiaeth Iwerddon.

Buddiannau personol eraill

• Aelod Bwrdd Anweithredol Nazareth Care Ireland – elusen cartref nyrsio a gynhelir gan urdd grefyddol.
• Cyfarwyddwr Anweithredol Richmond Fellowship Ireland (sy’n masnachu fel Threshold) – elusen iechyd meddwl.

Cymrodoriaethau

• Cymrawd Cymdeithas y Cyfrifwyr Ardystiedig Siartredig.

Cymorth anuniongyrchol

• Aelod o Bwyllgor Cyllid Corfforaethol a Dibenion Cyffredinol Cynhadledd Esgobol Iwerddon.

Ymddiriedolaethau

• Ymddiriedolwr Cynllun Pensiwn Staff ACCA.

Tir ac eiddo

• Dau eiddo preswyl yng Ngogledd Iwerddon

Penodiadau cyhoeddus eraill

• Dim

Buddiannau eraill nad ydynt yn rhai personol

• Dim