Datganiad hygyrchedd ar gyfer gwefan y Cynllun Sgorio Hylendid Bwyd

Mae’r wefan hon yn cael ei chynnal gan yr Asiantaeth Safonau Bwyd (ASB). Rydym yn awyddus i gynifer o bobl â phosibl allu defnyddio’r wefan hon. Er enghraifft, mae hynny’n golygu y dylech chi allu:

• newid lliwiau, lefelau cyferbyniad a ffontiau
• chwyddo hyd at 400% heb i’r testun ddisgyn oddi ar y sgrin
• llywio drwy’r rhan fwyaf o’r wefan gan ddefnyddio bysellfwrdd yn unig
• llywio'r rhan fwyaf o'r wefan gan ddefnyddio meddalwedd adnabod lleferydd
• gwrando ar y rhan fwyaf o’r wefan gan ddefnyddio darllenydd sgrin (gan gynnwys y fersiynau diweddaraf o JAWS, NVDA a VoiceOver)

Rydym hefyd wedi gwneud testun y wefan mor syml â phosibl i’w ddeall.

Pa mor hygyrch yw'r wefan hon?

Rydym yn gwybod nad yw rhai rhannau o’r wefan hon yn gwbl hygyrch. Gallwch weld rhestr lawn o unrhyw faterion yr ydym yn gwybod amdanynt ar hyn o bryd yn adran ‘Cynnwys nad yw'n hygyrch’ y datganiad hwn.

Adborth a gwybodaeth gyswllt

Os oes angen gwybodaeth arnoch chi am y wefan hon mewn fformat gwahanol fel PDF hygyrch, print bras, fersiwn hawdd ei darllen, recordiad sain neu braille: 

• Anfonwch e-bost i: fsa.communications@food.gov.uk 
• Ffoniwch ein Llinell Gymorth: 0330 332 7149 (ar agor o 9.00 tan 17.00, o ddydd Llun i ddydd Gwener)

Rhoi gwybod am broblemau hygyrchedd gyda’r wefan hon

Rydym bob amser yn ceisio gwella hygyrchedd y wefan hon. Os byddwch chi'n dod o hyd i unrhyw broblemau nad ydynt wedi’u rhestru ar y dudalen hon, neu os ydych chi o’r farn nad ydym yn bodloni gofynion hygyrchedd, cysylltwch â ni:

• E-bost: fsa.communications@food.gov.uk 
• Llinell gymorth: 0330 332 7149 (ar agor o 9.00 tan 17.00, o ddydd Llun i ddydd Gwener) 

Gweithdrefn orfodi

Mae’r Comisiwn Cydraddoldeb a Hawliau Dynol (EHRC) yn gyfrifol am orfodi Rheoliadau Hygyrchedd Cyrff Sector Cyhoeddus (Gwefannau a Chymwysiadau Symudol) (Rhif 2) 2018 (y 'rheoliadau hygyrchedd'). Os nad ydych chi’n hapus â’r ffordd rydym yn ymateb i’ch cwyn, cysylltwch â’r Gwasanaeth Cynghori a Chefnogi Cydraddoldeb (EASS) 

Os ydych chi yng Ngogledd Iwerddon ac nad ydych chi’n hapus â’r ffordd rydym wedi ymateb i’ch cwyn, gallwch chi gysylltu â Chomisiwn Cydraddoldeb Gogledd Iwerddon sy’n gyfrifol am orfodi Rheoliadau Hygyrchedd Cyrff Sector Cyhoeddus (Gwefannau a Chymwysiadau Symudol) (Rhif 2) 2018 (y 'rheoliadau hygyrchedd') yng Ngogledd Iwerddon. 

Gwybodaeth dechnegol am hygyrchedd y wefan hon

Mae’r ASB wedi ymrwymo i wneud ei gwefan yn hygyrch, yn unol â Rheoliadau Hygyrchedd Cyrff Sector Cyhoeddus (Gwefannau a Chymwysiadau Symudol) (Rhif 2) 2018.

Statws cydymffurfio

Mae’r wefan hon yn cydymffurfio’n rhannol â safon AA fersiwn 2.1 o’r Canllawiau Hygyrchedd Cynnwys Gwe, oherwydd y rhannau nad ydynt yn cydymffurfio a’r eithriadau a restrir isod.

Cynnwys nad yw’n hygyrch

Mae’r cynnwys a restrir isod yn anhygyrch am y rhesymau canlynol.

Ddim yn cydymffurfio â’r rheoliadau hygyrchedd

Mapiau ar-lein

Mae’r rheolaethau ar gyfer y gydran “Mapiau Bing” ar y dudalen Canlyniadau Chwilio yn methu WCAG 2.4.3 Gorchymyn Ffocws (A), 2.1.1 Bysellfwrdd (A), a 4.1.2 Enw, Rôl, Gwerth (A). Nid ydym yn bwriadu trwsio hyn ar hyn o bryd. Gweler hefyd y cyfeiriad at “Mapiau ar-lein” yn yr adran “Cynnwys nad yw o fewn cwmpas y rheoliadau hygyrchedd”.

Os byddwch yn dod o hyd i broblem nad ydym wedi’i nodi eto, cysylltwch â ni gan ddefnyddio un o’r llwybrau a ddisgrifir yn yr adran ‘Rhoi gwybod am broblemau hygyrchedd gyda’r wefan hon’ yn y datganiad hwn.

Baich anghymesur

Ar yr adeg hon, nid ydym wedi gwneud unrhyw honiadau am faich anghymesur.

Cynnwys nad yw o fewn cwmpas y rheoliadau hygyrchedd

Mapiau ar-lein

Mae ein gwasanaeth yn cynnwys defnyddio mapiau ar-lein i ddangos gwybodaeth ddaearyddol benodol, fel lleoliadau busnesau, ar y dudalen canlyniadau chwilio. Ni ddefnyddir y rhain at ddiben cael pen ffordd ac maent wedi’u heithrio o dan y rheoliadau. Mae lleoliad busnesau ar gael mewn fformat testun hygyrch ar yr un dudalen. Os oes angen yr wybodaeth a gyflwynir ar fap ar-lein arnoch mewn fformat gwahanol, cysylltwch â ni i drafod addasiadau rhesymol.

Paratoi’r datganiad hygyrchedd hwn

Paratowyd y datganiad hwn ar 19 Medi 2024 ac fe’i hadolygwyd ddiwethaf ar 19 Medi 2024.

Profwyd y wefan hon ddiwethaf ar 9 Chwefror 2024. Cynhaliwyd y prawf gan y Ganolfan Hygyrchedd Digidol.

Gwnaethom brofi’r gwasanaeth yn seiliedig ar allu defnyddiwr i gwblhau teithiau allweddol. Dewiswyd teithiau ar sail nifer o ffactorau gan gynnwys ystadegau defnydd, asesiadau risg a chynnwys.