Newyddion
Cyfarfod Agored Pwyllgor Cynghori ar Fwyd Cymru – 6 Chwefror 2024
Penodol i Gymru
Mae Pwyllgor Cynghori ar Fwyd Cymru yr Asiantaeth Safonau Bwyd (ASB) yn cynnal ei gyfarfod agored nesaf yng Nghaerdydd ddydd Mawrth 6 Chwefror 2024. Bydd y cyfarfod yn canolbwyntio ar thema benodol, sef diwygio Cynhyrchion Rheoleiddiedig.
Mae’r agenda’n cynnwys
- Cyflwyniad i waith diwygio Cynhyrchion Rheoleiddiedig
- Cyflwyniad a thrafodaeth am ddiwygio sylfaenol
Mae’r agenda lawn i’w gweld ar dudalen Pwyllgor Cynghori ar Fwyd Cymru ar ein gwefan.
Mae croeso i unrhyw un sydd â diddordeb yn y pynciau hyn, neu yng ngwaith yr ASB yn gyffredinol, ddod i’r cyfarfod i fynegi barn ac i gymryd rhan mewn sesiwn holi ac ateb agored.
Gallwch fod yn bresennol wyneb yn wyneb neu ar-lein. Mae modd cyflwyno cwestiynau i’r Pwyllgor ymlaen llaw trwy ddilyn y cyfarwyddiadau isod.
Manylion am y lleoliad
Bydd y cyfarfod yn cael ei gynnal yn adeiladau Llywodraeth Cymru, Parc Cathays, Caerdydd CF10 3NQ neu ar-lein drwy MS Teams.
Bydd modd cofrestru a chael paned o 9am cyn i’r cyfarfod ddechrau’n brydlon am 9.15am.
Cadw eich lle a chyflwyno cwestiynau
Anfonwch e-bost i walesadminteam@food.gov.uk er mwyn cadw lle i ddod i’r cyfarfod wyneb yn wyneb neu wylio ar-lein, cyflwyno cwestiwn neu gael mwy o wybodaeth.