Ymgynghoriad
Diwygiadau i Reoliad a Ddargedwir 2019/1793: Rheolaethau a Gynhelir ar Fwyd a Bwyd Anifeiliaid a Fewnforir nad ydynt yn Dod o Anifeiliaid
Penodol i Gymru a Lloegr
Pan ymadawodd y DU â’r UE, cafodd deddfwriaeth bwyd a oedd mewn grym ar y pryd ei dargadw a’i domestigeiddio er mwyn iddi barhau’n weithredol. Cyn i’r DU ymadael â’r UE, roedd diweddariadau rheolaidd i ddeddfwriaeth bwyd a fewnforir, a wneir gan y Comisiwn Ewropeaidd, yn uniongyrchol gymwysadwy yn y DU. Wrth symud ymlaen, mae'r awdurdodau priodol ym Mhrydain Fawr bellach yn gyfrifol am adolygu a diwygio'r ddeddfwriaeth yn ôl y gofyn.
I bwy y bydd yr ymgynghoriad hwn o ddiddordeb yn bennaf?
Pob busnes bwyd a bwyd anifeiliaid yng Nghymru a Lloegr, awdurdodau lleol ac awdurdodau iechyd porthladdoedd, a rhanddeiliaid eraill sydd â buddiant mewn diogelwch bwyd a bwyd anifeiliaid. Mae Safonau Bwyd yr Alban wedi lansio ymgynghoriad cyfochrog ar wahân yn yr Alban.
Pwnc yr ymgynghoriad
Ymgynghoriad ar ddiwygiadau rheolaidd arfaethedig i Reoliad a Ddargedwir 2019/1793 sy’n cymhwyso cynnydd dros dro mewn rheolaethau swyddogol ac amodau arbennig sy’n llywodraethu mynediad bwyd a bwyd anifeiliaid penodol nad ydynt yn dod o anifeiliaid i Brydain Fawr o wledydd penodol.
Diben yr ymgynghoriad
Gofyn am sylwadau rhanddeiliaid ar ddiwygiadau arfaethedig i’r Atodiadau i Reoliad a Ddargedwir 2019/1793.
Pecyn ymgynghori
Mae’r pecyn ymgynghori hwn yn darparu'r wybodaeth gefndirol a'r manylion y bydd angen i chi eu gwybod er mwyn ymateb i'r cwestiynau yn yr ymgynghoriad hwn.
England and Wales
Sut i ymateb
Dylid ymateb i’r ymgynghoriad hwn trwy anfon neges âr teitl 'Ymgynghoriad Rheoliad 2019/1793' i:
- yng Nghymru: LASupportWales@food.gov.uk
neu - yn Lloegr: imported.food@food.gov.uk
Cyhoeddi crynodeb o’r ymatebion
Y bwriad yw cyhoeddi crynodeb o’r ymatebion ar y dudalen hon o fewn tri mis i ddiwedd yr ymgynghoriad. Gallwch ddod o hyd i wybodaeth am sut yr ydym yn trin data a ddarperir mewn ymateb i ymgynghoriadau yn ein hysbysiad preifatrwydd am ymgynghoriadau.
Mwy o wybodaeth
Mae’r ymgynghoriad hwn wedi’i baratoi yn unol ag egwyddorion ymgynghori llywodraeth y DU. Os oes Asesiad Effaith wedi’i lunio, bydd wedi’i gynnwys yn y dogfennau ymgynghori. Os na ddarparwyd Asesiad Effaith, nodir y rheswm dros hynny y ddogfen ymgynghori.