Sefydliadau bwyd cymeradwy

Mae'n rhaid i fusnesau bwyd cyfanwerthu sy'n cyflenwi bwyd a ddaw o anifeiliaid gael eu cymeradwyo gan yr awdurdod cymwys o dan Reoliad 853/2004. 

Rhestr o sefydliadau bwyd cymeradwy

• Sefydliadau Cymeradwy yng Nghymru a Lloegr
• Sefydliadau Cymeradwy yng Ngogledd Iwerddon
• Sefydliadau Cymeradwy yn yr Alban
• Sefydliadau Cymeradwy yn yr Undeb Ewropeaidd

Sefydliadau a gaiff eu cymeradwyo gennym ni

Mae gofyn gweithredu rheolaethau milfeddygol yn y sefydliadau canlynol, ac mae'n rhaid iddynt gael eu cymeradwyo gennym ni:

• lladd-dai
• ffatrioedd torri
• sefydliadau trin helgig
• marchnadoedd cyfanwerthu cig

Sefydliadau a gaiff eu cymeradwyo gan awdurdodau lleol

Sefydliadau cig: 

• storfeydd oer sy’n ail-lapio ac yn ail-becynnu cig
• sefydliadau briwgig (minced meat)
• sefydliadau paratoi cig
• sefydliadau cig wedi'i wahanu'n fecanyddol
• ffatrïoedd prosesu cynhyrchion cig
• ffatrïoedd prosesu brasterau anifeiliaid wedi'u rendro a chriwsion (greaves)
• ffatrïoedd prosesu stumogau, pledrennau a choluddion wedi'u trin 
• ffatrïoedd prosesu gelatin
• ffatrïoedd prosesu colagen

Sefydliadau pysgod a physgod cregyn: 

• sefydliadau molysgiaid dwygragennog byw gan gynnwys canolfannau dosbarthu a chanolfannau puro
• sefydliadau sy'n gweithio gyda chynhyrchion pysgodfeydd gan ddefnyddio llongau ffatri a rhewi, ffatrïoedd prosesu, cynhyrchion pysgodfeydd ffres, neuaddau arwerthu, marchnadoedd cyfanwerthu

Sefydliadau cynnyrch anifeiliaid:

Dyma sefydliadau sy’n cynhyrchu’r canlynol:

• llaeth amrwd a chynhyrchion llaeth
• wyau a chynhyrchion wyau, gan gynnwys canolfannau pecynnu, ffatrïoedd prosesu, ffatrïoedd wyau ar ffurf hylif