Datganiad hygyrchedd ar gyfer y llwyfan Rhwydwaith Rhannu’r ASB (FSA LINK)

Mae’r datganiad hygyrchedd hwn yn berthnasol i wefan Rhwydwaith Rhannu’r Asiantaeth Safonau Bwyd (FSA LINK).

Mae’r wefan hon yn cael ei chynnal gan yr Asiantaeth Safonau Bwyd. Rydym yn  awyddus i gynifer o bobl â phosib allu defnyddio’r wefan hon. Er enghraifft, mae hynny’n golygu y dylech chi allu gwneud y canlynol:

• newid lliwiau, lefelau cyferbyniad a ffontiau o fewn gosodiadau eich porwr eich hun
• chwyddo hyd at 400% heb i’r testun ddisgyn oddi ar y sgrin
• llywio trwy’r rhan fwyaf o’r wefan gan ddefnyddio bysellfwrdd yn unig
• llywio trwy’r rhan fwyaf o'r wefan gan ddefnyddio meddalwedd adnabod lleferydd
• gwrando ar y rhan fwyaf o'r wefan gan ddefnyddio darllenydd sgrin (gan gynnwys y fersiynau diweddaraf o JAWS, NVDA TalkBack a VoiceOver)

Rydym hefyd wedi gwneud testun y wefan mor syml â phosibl i’w ddeall.

Mae gan AbilityNet gyngor ar wneud eich dyfais yn haws i’w defnyddio os oes gennych chi anabledd.

Pa mor hygyrch yw’r wefan hon?

Rydym yn gwybod nad yw rhai rhannau o’r wefan hon yn gwbl hygyrch. Gallwch chi weld rhestr lawn o unrhyw broblemau yn adran ‘Cynnwys nad yw’n hygyrch’ y datganiad hwn.

Adborth a manylion cyswllt 

Os oes angen gwybodaeth arnoch chi am y wefan hon mewn fformat gwahanol fel PDF hygyrch, print bras, fersiwn hawdd ei darllen, recordiad sain neu braille: 

• Anfonwch e-bost i: FSALINK@food.gov.uk
• Ffoniwch ein Llinell Gymorth: 0330 332 7149 (ar agor 9am tan 5pm, o ddydd Llun i ddydd Gwener)

Darllenwch gyngor ar gysylltu â sefydliadau am wefannau anhygyrch. 

Rhoi gwybod am broblemau hygyrchedd gyda’r wefan hon

Rydym bob amser yn ceisio gwella hygyrchedd y wefan hon. Os byddwch yn dod o hyd i unrhyw broblemau nad ydynt wedi’u rhestru ar y dudalen hon, neu os ydych chi o’r farn nad ydym yn bodloni gofynion hygyrchedd, gallwch chi:

• Anfon e-bost i: fsa.communications@food.gov.uk
• Ffonio ein llinell gymorth 0330 332 7149 (ar agor 9am tan 5pm, dydd Llun i ddydd Gwener)

Darllenwch gyngor ar gysylltu â sefydliadau am wefannau anhygyrch. 

Gweithdrefn orfodi

Mae’r Comisiwn Cydraddoldeb a Hawliau Dynol (EHRC) yn gyfrifol am orfodi Rheoliadau Hygyrchedd Cyrff Sector Cyhoeddus (Gwefannau a Chymwysiadau Symudol) (Rhif 2) 2018 (y ‘rheoliadau hygyrchedd’). Os nad ydych chi'n hapus â’r ffordd rydym yn ymateb i’ch cwyn, cysylltwch â’r Gwasanaeth Cynghori a Chefnogi Cydraddoldeb (EASS).

Os ydych chi yng Ngogledd Iwerddon ac nad ydych chi’n hapus â’r ffordd rydym wedi ymateb i’ch cwyn, gallwch chi gysylltu â Chomisiwn Cydraddoldeb Gogledd Iwerddon sy'n gyfrifol am orfodi Rheoliadau Hygyrchedd Cyrff Sector Cyhoeddus (Gwefannau a Chymwysiadau Symudol) (Rhif 2) 2018 ( y ‘rheoliadau hygyrchedd’) yng Ngogledd Iwerddon. 

Gwybodaeth dechnegol am hygyrchedd y wefan hon

Mae’r ASB wedi ymrwymo i wneud ei gwefan yn hygyrch, yn unol â Rheoliadau Hygyrchedd Cyrff Sector Cyhoeddus (Gwefannau a Chymwysiadau Symudol) (Rhif 2) 2018.

Statws cydymffurfio

Mae’r wefan hon yn cydymffurfio'n rhannol â safon AA fersiwn 2.2 o’r Canllawiau Hygyrchedd ar gyfer Cynnwys y We.

Cynnwys nad yw’n hygyrch

Mae’r cynnwys a restrir isod yn anhygyrch am y rhesymau canlynol.

Ddim yn cydymffurfio â’r rheoliadau hygyrchedd

Pennyn

• Mae’r ddolen yn y pennyn yn methu WCAG 2.4.4 ‘Diben y Ddolen’ (Mewn Cyd-destun) gan nad yw arddull weledol y ddolen yn dangos yn glir i ble bydd y ddolen yn mynd â’r defnyddiwr.
• Mae’r dewisydd iaith ar y safle yn methu WCAG 1.4.1 ‘Defnyddio Lliw’ am nad yw’r iaith a ddewiswyd ar hyn o bryd yn cael ei chyfleu i ddefnyddwyr darllenwyr sgrin, gan mai dim ond newid lliw sy’n ei nodi.

Baner cwcis

• Mae’r faner cwcis yn methu WCAG 2.4.6 ‘Penawdau a Labeli’ gan nad yw’r label “Got it!” ar y botwm Derbyn cwcis yn disgrifio’n glir y camau rydych yn eu cymryd.

Briwsion bara

• Mae’r drefn llywio briwsion bara yn methu WCAG 1.3.1 ‘Gwybodaeth a Pherthnasoedd’ gan fod y ddolen i ehangu dewislen friwsion bara gudd, ddyblyg yn weladwy i ddefnyddwyr darllenwyr sgrin hyd yn oed pan fo’r ddewislen briwsion bara maint llawn eisoes yn weladwy.

Y broses gofrestru

• Mae’r tudalennau “cofrestru ar gyfer cyfrif” a “diolch” yn methu WCAG 2.4.2 ‘Teitl y Dudalen’ gan nad oes ganddynt deitl sy’n disgrifio pwrpas y dudalen honno a’r cynnwys arni yn gywir.
• Mae’r ddolen i’r hysbysiad preifatrwydd a’r blwch ticio i dderbyn y polisi preifatrwydd yn methu WCAG 4.1.2 ‘Enw, Rôl, Gwerth’ gan nad ydynt yn gysylltiedig ag allwedd (capsiwn disgrifiadol) a fydd yn cael ei ddarllen i ddefnyddwyr darllenwyr sgrin.
• Mae’r adran manylion defnyddiwr yn y broses gofrestru yn methu WCAG 1.3.1 ‘Gwybodaeth a Pherthnasoedd’ ac WCAG 4.1.2 ‘Enw, Rôl, Gwerth’ gan nad oes gan rai meysydd enwau hygyrch sy’n nodi’n glir eu pwrpas i bob defnyddiwr, gan gynnwys pobl sy’n defnyddio darllenwyr sgrin.
• Mae’r adran i staff awdurdod lleol ei chwblhau fel rhan o’r broses gofrestru yn methu WCAG 2.4.2 ‘Teitl y Dudalen’ gan nad yw teitl y dudalen yn newid i ddangos bod y dudalen wedi’i hail-lwytho â gwallau os bydd ymgais y defnyddiwr i gyflwyno’r ffurflen hon yn methu.
• Mae’r adran i swyddogion arweiniol ei chwblhau fel rhan o’r broses gofrestru yn methu WCAG 4.1.2 ‘Enw, Rôl, Gwerth’ gan nad yw’r allwedd (pennawd disgrifiadol) ar gyfer y grŵp hwn o feysydd i’w weld fel y peth cyntaf yn y grŵp.

Tudalen fewngofnodi

• Mae’r broses fewngofnodi yn methu 4.1.3 ‘Negeseuon Statws’ oherwydd, ar ôl i ddefnyddiwr gyflwyno ei gyfeiriad e-bost, nid yw’r hysbysiad sy’n datgan bod e-bost wedi’i anfon ato yn cael ei gyhoeddi i ddefnyddwyr darllenwyr sgrin.

Rheoli cyfrif

• Mae’r dudalen rheoli fy nghyfrif yn methu WCAG 4.1.2 ‘Enw, Rôl, Gwerth’ ac WCAG 2.4.4 ‘Diben y Ddolen’ (Mewn Cyd-destun) gan fod dolen anweledig, heb ei defnyddio yn bresennol wrth ymyl y ddolen ‘Allgofnodi’, sy’n cael ei darllen i ddefnyddwyr darllenwyr sgrin, ond nad yw’n gwneud dim.

Tudalen chwilio

• Mae’r dudalen canlyniadau chwilio yn methu WCAG 2.4.3 ‘Gorchymyn Ffocws’ (A) gan fod y ffocws yn aros ar y canlyniad chwilio a ddewiswyd yn flaenorol wrth ddefnyddio’r swyddogaeth “yn ôl” i ddychwelyd i’r canlyniadau chwilio, yn hytrach na mynd â’r defnyddiwr yn ôl i frig y dudalen.
• Mae’r dudalen canlyniadau chwilio yn methu WCAG 4.1.3 ‘Negeseuon Statws’ (AA) gan nad yw newidiadau i nifer y canlyniadau a ddychwelwyd, er enghraifft wrth hidlo’r chwiliad, yn cael eu cyhoeddi i ddefnyddwyr darllenwyr sgrin.
• Mae’r hidlwyr ar gyfer ‘Math o gynnwys’ a ‘Cenedl’ ar y dudalen chwilio yn methu WCAG 4.1.2 ‘Enw, Rôl, Gwerth’ gan nad ydynt yn gysylltiedig ag allwedd (capsiwn disgrifiadol) a fydd yn cael ei ddarllen i ddefnyddwyr darllenwyr sgrin.

PDFs a dogfennau eraill nad ydynt ar ffurf HTML

• Mae rhai o’n dogfennau Word yn hanfodol er mwyn gallu darparu ein gwasanaethau. Er enghraifft, mae gennym ffurflenni neu lythyrau hŷn a gyhoeddwyd fel dogfennau Word.
• Oherwydd pwysau amser ac adnoddau, weithiau mae’n rhaid i ni uwchlwytho dogfennau PDF nad ydynt yn cydymffurfio’n llwyr ag WCAG pan gânt eu cyhoeddi gyntaf. 

Baich anghymesur

Ar yr adeg hon, nid ydym wedi gwneud unrhyw honiadau am faich anghymesur.

Cynnwys nad yw o fewn cwmpas y rheoliadau hygyrchedd

Dogfennau PDF a dogfennau eraill

Nid yw'r rheoliadau hygyrchedd yn ei gwneud yn ofynnol i ni drwsio ffeiliau PDF neu ddogfennau eraill a gyhoeddwyd cyn 23 Medi 2018 os nad ydyn nhw'n hanfodol i ddarparu ein gwasanaethau. 

Bydd unrhyw ddogfennau PDF neu Word newydd a gyhoeddwn yn bodloni safonau hygyrchedd.

Ein gwaith i wella hygyrchedd

Dyma sut rydym yn mynd ati i ddatrys y materion a nodir uchod:

• Ein nod yw trwsio rhywfaint o’r problemau ar y wefan o ran swyddogaethedd a chynnwys erbyn mis Rhagfyr 2025.

Paratoi’r datganiad hygyrchedd hwn

Paratowyd y datganiad hwn ar 27 Medi 2024. Fe’i hadolygwyd ddiwethaf ar 27 Chwefror 2024.

Archwiliwyd y wefan hon ddiwethaf ar 18 Rhagfyr 2024. Cynhaliwyd y prawf gan y Ganolfan Hygyrchedd Digidol.

Gwnaethom brofi’r gwasanaeth yn seiliedig ar allu defnyddiwr i gwblhau teithiau allweddol. Dewiswyd teithiau ar sail nifer o ffactorau gan gynnwys ystadegau defnydd, asesiadau risg a chynnwys.