Hysbysiad Preifatrwydd – Arolwg manwerthu Campylobacter
Gwybodaeth am bolisi preifatrwydd data'r arolwg manwerthu Campylobacter, pam fod angen y data arnom ni, yr hyn yr ydym ni'n ei wneud â'r data a'ch hawliau.
Yr Asiantaeth Safonau Bwyd (ASB) yw 'Rheolydd' y data personol a ddarperir i ni.
Pa wybodaeth sydd gennym ni
Mae'r wybodaeth bersonol yr ydym ni'n ei dal amdanoch chi yn cynnwys enw a chyfeiriad siop (busnes).
O ble'r ydym ni'n cael yr wybodaeth hon
Mae'r ASB yn cael yr wybodaeth hon gan Iechyd Cyhoeddus Lloegr.
Pam fod angen yr wybodaeth hon arnom ni?
Mae angen i ni gasglu'r wybodaeth hon fel rhan o brosiect gwyddonol sy'n monitro lefelau Campylobacter a ddarganfyddir ar ieir cyfan sy'n cael eu gwerthu mewn siopau (mae hyn yn gysylltiedig ag un o amcanion strategol yr ASB). Gwnawn hyn yn unol ag arfer awdurdod swyddogol sydd gan yr ASB wrth gyflawni tasg er budd y cyhoedd. Ni fyddwn ni'n casglu unrhyw ddata personol gennych chi nad ydym ni ei angen.
Beth fyddwn ni'n ei wneud â'r wybodaeth?
Dim ond am y cyfnod sydd ei angen i gyflawni'r swyddogaethau hyn rydym ni'n cadw gwybodaeth bersonol, ac yn unol â'n polisi cadw. Mae hyn yn golygu y byddwn ni'n cadw'r wybodaeth am 7 mlynedd wedi iddi ddod i law.
Mae'r holl ddata personol rydym ni'n ei brosesu yn byw ar weinyddion o fewn yr Undeb Ewropeaidd. Mae ein gwasanaethau cwmwl wedi’u caffael drwy Gytundebau Fframwaith y Llywodraeth a’u hasesu yn erbyn egwyddorion cwmwl y Ganolfan Seiberddiogelwch Genedlaethol.
Nid oes gan drydydd partïon fynediad at eich data personol oni bai bod y gyfraith yn caniatáu iddynt wneud hynny. Bydd yr ASB weithiau'n rhannu data gydag adrannau eraill y llywodraeth, cyrff cyhoeddus a sefydliadau sy'n cyflawni swyddogaethau cyhoeddus i'w cynorthwyo i gyflawni eu dyletswyddau swyddogol, neu pan fydd er budd y cyhoedd.
Eich hawliau
Mae gennych chi'r hawl i weld yr wybodaeth sydd gennym ni amdanoch chi drwy wneud cais ysgrifenedig i'r cyfeiriad e-bost isod. Os ydych chi ar unrhyw adeg o'r farn bod yr wybodaeth rydym ni'n ei phrosesu amdanoch chi yn anghywir, gallwch chi wneud cais i'w chywiro. Os hoffech chi wneud cwyn am y ffordd rydym ni wedi trin eich data personol, gallwch chi gysylltu â'n Swyddog Diogelu Data a fydd yn ymchwilio i'r mater.
Os nad ydych chi'n fodlon â'n hymateb neu os ydych chi o'r farn nad ydym yn prosesu eich data personol yn unol â'r gyfraith, fe allwch chi gwyno i Swyddfa'r Comisiynydd Gwybodaeth (ICO).