Wythnos Diogelwch Bwyd yr Asiantaeth

Eleni, bydd yr Wythnos Diogelwch Bwyd yn cael ei chynnal rhwng 6 a 12 Mehefin. Byddwn yn edrych ar yr hyn sy'n digwydd y tu ôl i ddrysau caeëdig. i gael gwybod beth mae pobl yn ei wneud yn eu cartrefi eu hunain wrth baratoi a choginio bwyd.

Byddwn yn edrych hefyd ar y gwir y tu ôl i ambell myth cyffredin am hylendid bwyd, gan egluro, er enghraifft, pam na ddylech olchi dofednod a pham na ddylech chi fwyta bwyd sydd wedi mynd heibio'i ddyddiad 'defnyddio erbyn'.

Mae'r Asiantaeth wedi datblygu pecyn cost-effeithiol o adnoddau i helpu Awdurdodau Lleol a'n partneriaid eraill i siarad am eu harferion hylendid. Gellir gweld cwis hylendid bwyd a chyflwyniad PowerPoint drwy'r dolenni isod. Hefyd, ar YouTube, gallwch weld ein dyddiaduron fidoe 'Kitchen confidential', a ddatblygwyd gan ddisgyblion o ysgolion ledled y DU i amlygu beth ddylech chi ei wneud, a beth na ddylech ei wneud er mwyn osgoi gwenwyd bwyd wrth baratoi bwyd yn y cartref.

Bydd y thema 'tu ôl i ddrysau caeëdig' hefyd yn helpu awdurdodau lleol i hyrwyddo neu lansio'r Cynllun Sgorio Hylendid Bwyd yn ystod yr wythnos.

I glywed y diweddaraf am yr Wythnos Diogelwch Bwyd, cofrestrwch eich manylion drwy foodsafetyweek@ecgroup.co.uk, gan nodi ‘Register’ yn y llinell bwnc.

Os ydych eisoes yn ymwneud â'r Wythnos Diogelwch Bwyd, ewch i Facebook i rannu eich syniadau a chael gwybod beth mae pobl arall yn ei wneud.

Rydym ni ar Facebook:
facebook.com/FoodSafetyWeek

Mae gan yr Asiantaeth amrywiaeth o adnoddau 'Gwylio Germau' i'ch helpu yn ystod yr Wythnos Diogelwch Bwyd. Mae adnoddau 2011 i'w gweld isod, ac ystod gyfan yr adnoddau i'w gweld drwy'r ddolen.