Asiantaeth yn helpu ffermwyr i atal gwenwyn plwm

Mae mwy na hanner y digwyddiadau ar ffermydd sy’n cael eu cyflwyno gerbron yr Asiantaeth Safonau Bwyd bob blwyddyn yn cael eu hachosi gan wenwyn plwm neu o ganlyniad i gysylltiad â phlwm. Mae’r digwyddiadau hyn yn achosi risg i ddiogelwch bwyd.

Mae gwenwyn plwm yn gallu lladd neu arwain at salwch. Gall effeithio ar wartheg, defaid, moch, dofednod a rhai anifeiliaid eraill. Gall gwartheg farw’n sydyn, mynd yn anffrwythlon, dangos arwyddion o afiechyd nerfol neu fynd yn ddall.

Os daw anifeiliaid i gysylltiad â phlwm, gall gynyddu’r lefelau plwm mewn cig, offal a llaeth fel eu bod yn uwch na’r terfynau cyfreithlon mewn bwyd. O ganlyniad, ni fydd yn ddiogel iddynt fod yn rhan o’r gadwyn fwyd.

Y llynedd, cafodd 2,500 o anifeiliaid yn y DU eu cadw o’r gadwyn fwyd oherwydd y perygl o wenwyn plwm.

Fel cynhyrchwr cynradd, gall ffermwr chwarae rhan hanfodol wrth ddiogelu’r gadwyn fwyd:

• chwilio am fatris cerbydau, ceir wedi’u llosgi a hen beiriannau mewn caeau ac ysguboriau yn rheolaidd
• gwylio am bobl yn tipio sbwriel yn anghyfreithlon
• chwilio am baent plwm a phwti sy’n dod yn rhydd
• sicrhau na all eich anifeiliaid fynd at ludw coelcerth, pibelli a sêl blwm (fel yr un oddi ar doeau)
• trefnu bod eich anifeiliaid yn bwyta cyn lleied o bridd ag sy’n bosibl

Gall plwm hefyd ddod o fatris ffensys trydan, pelenni plwm (gwn) a thomenni pridd o fwyngloddiau plwm.

Gall plwm hefyd ddod o fatris ffensys trydan, pelenni plwm (gwn) a thomenni pridd o fwyngloddiau plwm.

I archebu copi caled o’r daflen, cysylltwch â Chyhoeddiadau’r Asiantaeth Safonau Bwyd, gan ddyfynnu’r cod priodol (wedi’u nodi isod):

ffôn: 0845 606 0667
minicom: 0845 606 0678
ffacs: 020 8867 3225
e-bost: foodstandards@ecgroup.co.uk

Codau’r taflenni:

Fersiwn Gymraeg: FSA/1316/0309
Fersiwn y DU: FSA/1315/0209